Конкурс «Заондабитæ»

Республикæйы ахуырад æмæ наукæйы министрады æххуысæй сывæллæтты сфæлдыстады галуаны 11 -æм хатт уыд интеллектуалон конкурс "Зондабитæ". Ацы аз æй сарæзтой Агънаты Гæстæны кадæн.  Конкурсы нысан у фæсивæды интеллектуалон рæзт. Йæ аразджытæ куыд зæгъынц, афтæмæй ахæм сфæлдыстадон ерыстæ сабитыл хуыздæрырдæм фæзынынц. Хъазты рæстæг скъоладзаутæ алыхуызон фарстатæн зæрдæргъæвдæй дзуæппытæ лæвæрдтой. Агънаты Гæстæны цард æмæ сфæлдыстады тыххæй та бацæттæ кодтой алыхуызон инсценировкæтæ æмæ иртасæн куыстытæ. "Зондабитæм" уазæгуаты æрбацыдысты республикæйы хицауады æмæ æхсæнадон организациты минæвæрттæ, сæ ахуыргæнджытæ æмæ ныййарджытæ. Конкурс арæзт уыд "Республикæйы цæрджыты патритон хъомылады" проекты фæлгæты. Йæ сæйраг хæс у адæмы мидварн фæхъæздыгдæр æмæ райгуырæн бæстæмæ уарзондзинад фидар кæнын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv