Зымæгмæ цæттæ...

Дзæуджыхъæуы хъармдæттæг хызæгты куыстуат райдыдта зымæгмæ цæттæ кæнын. Горæты ныртæккæ цæуынц алыхуызон цалцæггæнæн куыстытæ. Бæрнон кусджытæ хъуамæ бацæттæ кæной 100 километрæй фылдæр хъармдæттæг хызæгтæ. Зæххы бын чи цæуы, уыдон, стæй уæлейы дæр. Куысты рæстæг цы зындзинæдтæ фæзыны, уыдон баст сты æхцайы кадавардзинадимæ. Фæлæ цалцæггæнæн куыстыты `рдæг ныридæгæн конд у. Тагъд рæстæг райдайдзысты ног агтæ æвæрын дæр. Зæрæдтæ цалцæг кæнынмæ дæр бавналдзысты. Фæткмæ гæсгæ, арæзтадон куыстытæ цæудзысты Барбашовы æмæ Гагарины номыл уынгты, стæй Къесаты Астаны æмæ Весеннийы уынгты дæр. Дзæуджыхъæуы хъармдæттæг хызæгты куыстадон хайады хицау Бæцойты Сергей: «Цæттæ кæнæм хъармдæттæн хæтæлтæ. Хъуамæ ма барæвдз кæнæм 108 хъармгæнæны. Уыдон æххæссынц æнæнхъæн Дзæуджыхъæуыл. Уымæй уæлдай ма сцалцæг кæндзыстæм дыууæ хъармдæттæн аджы. Æртæ та ногтæ сæвæрдзыстæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv