«САБИ» бæрæг кæны йæ 80 азы бон

80 азы абон æххæст кæны Сывæллæтты театр «Саби»-йы равзæрдæй. Йæ байгом кæныны тыххæй фарста лыггонд уыд 1939 азы, Орджоникидзейы. Уынаффæ уæд рахаста Аивæдты хъуыддæгты фæдыл комитет. Уæд йæ коллективмæ бацыдысты Уырыссаг драмон театры кусджытæ æмæ хæдахуыр аивадуарзджытæ. Театры бæстыхай уæд уыди Сывæллæтты сфæлдыстады галуан. Фыццаг аз, Саби адæмы рæгъмæ рахаста спектакльтæ «Лесная Сказка» æмæ «Новая сказка». Стыр æвæрæн культурæйы рæзтæ хаста хæсты рæстæг дæр. 1970-æм азы театры коллективы схорзæхджын кодтой Кады гæххæттæй. 10 азы фæстæ та Хъамбердиаты Мысосты номыл паддзахадон премийæ - рæзгæ фæлтæры хъомыладыл хорз кæй кусы, уый тыххæй. Кæцыдæр азты, Саби архайдта дунеон фестивальты - Польшæйы, Чехословакийы, Болгарийы æмæ Венгрийы. Ныртæккæ театрты сфæлдыстадон цард дæр ахæм хъæздыг у. Нæ бæстæйы алы горæтты арæх вæййы гастрольты. 2018 азæй фæстæмæ Сабийы аивадон разамонæг у Гæлæуты Æхсарбег. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv