Хуссар Ирыстоны амалхъом адæмæн паддзахад æххуыс кæны

Хуссар Ирыстоны амалхъом адæмæн æххуыс кæны паддзахад. Сæ куысты райрæзтæн сын снысан кодтой сæрмагонд паддзахадон программæ. Йæ фæлгæты сын кредит раттынц льготæйы хуызы. Ацы æнцондзинæй чи спайда кодта, ахæмтæ бирæ ис. Хъæууон хæдзарады къабазы кусынц. Бязырты Олег мыдыбындзыты куыст кæны дæс азæй фылдæр. Уæд сæ Дарын та сæ райдыдта, цæмæй йæ бинонтæн амал кæна сыгъдæг мыд. Фæлæ рæстæг куыд цыд, афтæ йæ мыды чыргъæдты нымæц фылдæрæй фылдæр кодта. Афтæмæй мыд уæй кæнын райдыдта.  Ам хæхбæсты рæгътæ алыхуызон зайæгойтæ æмæ дидинджытæй хъæздыг сты. Уымæ гæсгæ уалдзæгæй æрæгвæззæгмæ мыд фембырд кæны. Бязырты Олег куыд зæгъы, афтæмæй ацы аз тыллæг бирæ нæй. Уымæн аххосаг арæх къæвдатæ кæй уарыд, уый. Нæлгоймаг куыд зæгъы, афтæмæй ацы куыст чи нæ зоны, уымæ зын фæкæсы. Фæлæ уый афтæ нæу. Йæ сусæгдзинæдтæ йын куы зонай, уæд дзы зæрдæ райы. Цæмæй мыд сæмбырд кæнай, уый тыххæй æппынæдзух бындздонмæ зилын хъæуы. Мыдыбындзытимæ архайын хъæуы фæздæгимæ, уæд буарыл нæ фæхæцынц. Мыдгæс фидæны фæнд кæны йæ куыстуат апарахат кæнын. Уый тыххæй ивгъуыд аз спайда кодта паддзахадон программæйæ. Амалхъом адæймаг кредит райста льготæйы хуызы. Бязырты Олегæн йæ райгуырæн хъæу у Котанты хъæу у. Йæ цæрæнбынаты электрон тых кæй нæй, уымæ гæсгæ мыдгæс йæ чыргъæдтæ раласы Цхинвалмæ. Мыд ам сымбырд кæны. Фæстаг азты Хуссар Ирыстоны мыдыбындзытæ дарыны куыст рæзы. Хъæууон хæдзарады къабаз æм уæлдай æргом здахы. Бязырты Олег дарддæр фæнд кæны мыд Уæрæсейы уæй кæнын. Амалхъом адæмæй ма падзахадон программæйæ чи спайда кодта æмæ кредит льготæйы хуызы чи райста, уыдонæй иу у Дыгъуызты Станислав. Зæххы куыст кæны. 2018 азы амалхъом адæймаг бацæттæ кодта проект. Паддзахадын баххуыс кодта, æхцайы фæрæзтæй. Уый руаджы зайын кæны халсартæ. Дыгъуызты бинонтæ иууылдæр зæрдæргъæвдæй фыдæбон кæнынц. Дыгъуызты Станислав йæ хъæрмуæтты зымæджы ныссадзы хъæдындз. Уалдзæджы та пъæмидортæ. Ацы аз зæхкусæг байтыдта цалдæр хуызы пъæмидорты мыггаг. Уыимæ ма сын сæ фæзуат дæр апарахат кодта. Фæлæ ацы аз амалхъом адæймаг йæ тыллæгæй разыйæ нæ баззад. Сæрд къæдаджын кæй рауад, уымæ гæсгæ хъæздыг тыллæг нæ рымбырд кодтой. Къуылымпыдзинæдтæ ма `ййафы йæ продукци уæй кæнгæйæ дæр. Дыгъуызты Станиславы къуылымпыдзинæдтæ кæнынц фидардæр. Уый дарддæр фæнд кæны йæ уарзон куыст кæнын. Цæмæй æрмæст йæ бинонты нæ, фæлæ ма республикæйы цæрджыты дæр ифтонг кæна адджын æмæ хæрзхъæд халсартæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv