Алагиры 3 æм скъолайы ахуырдзаутæн бацамыдтой программированийы зонындзинæдтæ

0 скъолайы ацыд «День ИT-знаний - 2019», зæгъгæ, акци. Мадзалы бацархайдта Æлæгиры 3-æм скъола дæр. Йæ рауагъдон Габолаты Георгий кусы компани Mail.ru group-ы. Скъолайы ахуырдзаутæн сарæзта цымыдисаг лекци. Бæстонæй сын радзыдта технологитимæ баст цавæр дæсныйæдтæ ис равзарæн, цæмæй хъæугæ специалист уай. Габолаты Георгий ахуыр кæны Бауманы номыл университеты цыппæрæм курсы. Уыимæ ма кусгæ дæр кæны. Йæхи фæлвары компани Мэйл.ру йы. Абон ссыд  Алагирмæ. Ацы скъолайы 3 азы размæ дæр ма ахуырдзау уыд, ныртæккæ та йæ суазæг кодтой ахуыргæнæджы хуызы. Сывæллæттæн бацæттæ кодта цымыдисаг лекци IT-технологитæй. Цы сты бæрæггæнæнтæ? Цы хуызы сæ барынц? Ацы æмæ æндæр фарстатæ абон æвзæрстой хистæр къласы ахуырдзаутæ. Практикæйы хуызы сын равдыстой сæрмагонд программæты руаджы хæслæвæрдтæ куыд æххæстгонд цæуынц, уый. Зæгъгæм, бæрæггæнтæ адæм сæхæдæг куы иртасиккой уæд цы хуызы уаиккой. Рауади дзы мæнæ афтæ.  Габолаты Георгийы ныхæстæм гæсгæ сывæллæттæ компьютеры технологитимæ архайын хорз арæхсынц. Æппæт фæрстытæн дæр дзуапп радтой. Фæсивæдимæ ныхас кæнгæйæ Георгий фæсивæдæн раргом кодта нырыккон технологиты сусæгдзинæдтæ. Бацамыдта сын цæуыл ис абон сахуыр кæнæн, цæмæй дæ хъæугæ специалист рауайа. Лекцийæ скъоладзаутæ разыйæ баззадысты. Габолаты Гергийы йæ ахуыргæнджытæ арæх æрымысынц. Куыд зæгъынц, афтмæй уыд фæзминаг кæстæр. Æппынæдзух тырныдта ахуыры бæрзæнддæм схизынмæ. Йæ ахуыргæнджытæ дзы сæрыстыр сты. «День ИТ-знаний», зæгъгæ, акци арæзт цæуы æртыккаг хатт. Компани Mail.ru Group-ы хъæппæрисæй. Организацийы кусджыты арвитынц сæ райгуырæн скъолатæм. Сæ сæйраг нысан- дæсныйад æвдисæг ахуыртæ саразын æмæ   IT - технологиты æрмæгыл лекцитæ кæсын. Габолаты Георгий куыд зæгъы, афтмæй ацы къабазы кусджытæ нæ фаг кæны. Уымæ гæсгæ ацы мадзæлттæ сты ахсджиаг. Сæ сæйраг нысан фæсивæдæн сæ фидæны дæсныйад равзарынмæ аххуыс кæнын.  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv