Аппаратон æмбырды райдиан Сергей Меняйло æмæ хицауады уæнгтæ ссардтой, Мæскуыйы бынмæ теракты

Аппаратон æмбырды райдиан Сергей Меняйло æмæ хицауады уæнгтæ ссардтой, Мæскуыйы бынмæ теракты амæттæгты нæмттæ минут æдзæмæй алæугæйæ. Барадон оргæнтæ дарддæр дæр рад хæсдзысты карздæр фæткмæ гæсгæ. Регионы разамонæг дзуапдæттæг ведомствотæн бабар кодта, æхсæнадон бынæттæ æмæ базарадон центртæ басгарын, фенын аварион æмæ уæлæмхасæн рахизæнты уавæр. Æнæнхъæлæджы уавæрты æмæ Мидхъуыддæгты министрадтæн, Уæрæсейы гвардийæн бабар кодта сааразын сæрмагонд ахуыртæ администрацитæн æмæ егъау объектты æдасдзинады службæтæн. Хъæуы бакусын æвæстиаты уавæры хи дарын куыд æмбæлы, ууыл. Уыимæ ма Сергей Меняйло карзæй йæ хъудытæ загъта Цæгат Ирыстон æппæтадæмон туристон равдыстмæ цы стенд бацæттæ кодта, уый фæдыл. Сæргълæууæг фæнысан кодта, уый тыххæй кадрон ивддзинæдтæ кæй æрцæудзæн. Аппаратон æмбырды ма ныхас цыд ахсджиаг социалон объектыл. Уæлдай æргом аздæхтой рæвдауæндæтты æмæ профтехучилищæты бындурон цалцæгмæ. Сергей Меняйло загъта, куыстыты рæстæг сывæллæтты хъæуы æндæр бынæттæм рæстæгмæ раивын.