Нæ телеканал рамбылдта конкурс «Многоликая Россия»-йы Гран-при

Нæ телеканал рамбылдта конкурс «Многоликая Россия»-йы Гран-при. Хъазаны стыр аргъ скодтой не 'мкусæг Абайты Ольгæйы кинонывӕн «Правила жизни». Кинонывы дзырд цæуы 91-аздзыд ахуыргæнæджы тыххæй, хъæды хæдзарады техникумы бындурæвæрджытæй иу - Роальд Каупушы тыххæй. Йæ азтæ йыл ӕппындӕр нӕ зынынц: ныр дæр тезгъо кæнынмæ ацæуы хъæдтæм, кæсы сын сæ уавæрмæ, йæ зонындзинæдтæ æнæвгъауæй лӕвар кӕны фæсивæдæн. Ӕдæппæтæй конкурсмæ балæвæрдтой 800 курдиаты бæстæйы 38 регионæй. Се 'хсæн радио-, теле- æмæ интернет проекттæ.