Сергей Меняйло схорзæхджын кодта Цæгат Кавказы интеллектуалон Олимпиадæ «Кредо-знание»-йы финалистты

Сергей Меняйло схорзæхджын кодта Цæгат Кавказы интеллектуалон Олимпиадæ «Кредо-знание»-йы финалистты. Кады гæххæттытæ æмæ зынаргъ лæвæрттæ фæсивæд райстой куыд хи багъыдæн, афтæ хицæн предметтæй дæр. Уæ зæрдыл уын æрлæууын кæндзыстæм, Цæгат Кавказы федералон зылды æмæ Хуссар Ирыстоны скъолаты хистæркъласонтæ ерыс кодтой физикæ, математикæ, хими, биологи æмæ информатикæйæ. Уæлахиздзауты сбæрæг кодтой баллтæм гæсгæ. Олимпиадæ Цæгат Кавказы регионты арæзт цæуы радгай. Йæ аразджытæ - ахуырадæн æххуысы фонд «Кредо – Знание».