Аив горæт

Дзæуджыхъæуы æрыгон амалхъом адæм бакусдзысты проект «Экофаб»-ы, кæцы рамбылдта форум «Машук»-ы. Йæ сæйраг нысан у Дзæуджыхъæуы уынгтæм базилын æмæ сæ саив кæнын. Проекты бацархайын сæ бон у студенттæн æмæ скъоладзаутæн. Майрæмыхъуаты Никæ «Экофаб»-ы проекты автортæй иу у. Хъуыддагмæ бæстонæй бацыдис. Уæдæ йын Машук-ы дæр йæ прект цымыдисагыл банымадтой. Бахастой йæ хуыздæрты номгъыдмæ. Никæ йæхæдæг куыд зæгъы афтæмæй кæд бизнес-проект у, уæддæр ын социалон нысаниуæг ис. Ника Майрамуков: «Мах ацы хъуыддагмæ фæнд кæнæм фæсивæды æргом раздахын. Бæлвырддæр та семæ теорийы хуызы бакусын. Бамбарын сын кæнæм дизайны сусæгдзинæдтæ, уый фæстæ та цардмæ рауаддзыстæм проект «Урбанистика. Комфортный Владикавказ»,зæгъгæ. Уыцы æркасты скъоладзаутæ раргом кæндзысты сæ хъуыдытæ, сæ дизайн-пректтæ. Цы уынгтыл цæрынц, цы скъолаты ахуыр кæнынц уыцы кæртытæ куыд срæсугъд кæниккой уый базондзыстæм». Уый фæстæтæ æппæт уыцы хъуыдыдтæ бахæсдзысты цы горæты цæрынц уыцы администрацимæ. Кæд сын сæ проект сфидар кæной, уæд скъоладзаутæн студенттæн æмæ ацы хъуыддагы семæ иузæрдион чи у уыцы адæмы зынаргъ лæвæрдтæй схорзæхджын кæндзысты. Ныртæккæ архайджытæ бирæ не сты. «Экофаб»-ы автортæ проектыл фылдæр сæхæдæг кусынц. Фæлæ сæйраг технолог Хуыбаты Æхсарбег куыд зæгъы афтæмæй сæ хæдзары кæртытæ саив кæнын кæй фæнды уыцы адæмы нымæц фылдæрæй фылдæр кæны. Куыстæн сæ бахъæуы самал кæнын лыстæг дуртæ кæнæ та хуыр. Сæрмагонд ахорæнтæ тæ та сласынц Новосибирскæй. Хуыбаты Æхсарбег куыд зæгъы афтæмæй дуртæ сæ хуыз бирæ рæстæг нæ аивдзысты суанг къæвдайы бынмæ дæр. Ацы проект аразджытæ сидынц фæсивæдмæ цæмæй бацархайой пректы. Уæд æнæмæнг нæ къухы бафтдзæнис цæмæй нæ алфамбылай уа аивдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv