Фыссæг Валентинæ Грищенкойæн сарæзтой юбилеон изæр

Цæгат Ирыстоны фысджыты цæдисы уæнг Валентинæ Грищенкойы 65 азы юбилейон изæр ацыд абон Дзæуджыхъæуы сæйраг чиныгдоны. Фыссæджы курдиат ын лæвæрд у æрдзæй, ахæм хъуыды раргом кодтой Валентинæ Грищенкойы фенынмæ чи æрбацыд, уыцы уазджытæ. Куыд фæбæрæг кодтой, афтæмæй уый хорз æнкъары чиныгкæсджыты ахаст æмæ сын æцонæй сæ зæрдæмæ ссары фæндаг. Ныридæгæн рухс федтой Валентинæ Грищенкойы 12 чиныджы. Уыдон сты æмдзæвгæты æмбырдгондтæ, радзырдтæ æмæ роман «Женская доля», зæгъгæ, уый та рацыд æртæ чиныгæй. Фысджыты цæдисы уæнгæн йæ кадджын юбилейы фæдыл арфæ ракæнынмæ æрбацыдысты нæ республикæйы æхсæнадон организациты минæвæрттæ, студенттæ, стæй Дзæуджыхъæуы 42-æм астæуккаг скъолайы ахуырдзаутæ.  Уæлдай аргъ ын скодтой нæ республикæйы фысджыты цæдисы уæнгтæ. Сæ разамонæг куыд бафиппайдта, афтæмæй Валентинæ Грищенко цы куыт кæны, уый нырыккон дуджы ахадгæ у. Валентинæ Грищенко, фыссæг, публицист, фысджыты цæдисы уæнг: «Рацыд мын ног чиныг «Люди огненного поколения», зæгъгæ. Фæнды мæ зæгъын уый, æмæ дзы ис дыууæ радзырды хæстон адæймæгты тыххæй, хæст йæ райдайæнæй æмæ кæронмæ чи ацыд, уыдоны. Ныры адæмимæ абаргæйæ, мæм ахæм хъуыды фæзынд æмæ ацы аз рухс федта. Чиныджы рацыд бабастон Уæлахизы 75 азы юбилеимæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv