Цæгат Ирыстонæй 10 командæйы рацыдысты æппæтуæрæсеон конкурс «Учитель будущего»

«Учитель будущего» æппæтуæрæсеон конкурсы архайынц ахуыргæнджытæ Цæгат Ирыстонæй. Æркасты сæйраг хæс у ахуыргæнджыты дæсныйад фæуæлдæр кæнын. Йæ архайджытæ сæ арæхстдзинад æвдисынц къордты. Алы командæйы дæр 3 ахуыргæнæджы. Ныридæгæн уал сæ къухы цавæр æнтыстдзинæдтæ бафтыд, уый тыххæй бæлвырддæр радзурдзæн нæ уацхæссæг. Ахуырадон центр «Интеллект»-ы æртæ ахуыргæнæджы январы райдыдтой æнгомæй æмгуыст кæнын. Ныхас кæнынц ахуырадон пълæнттыл, иумæ сæхи цæттæ кæнынц конкурсмæ. Ныр уал йæ фыццаг къæпхæныл æнтыстджынæй ацыдысты. Баххæст кодтой хæслвæрдтæ алы предметæй дæр. Се 'хсæн психологийы фарстатæ дæр уыдысты. Райдиан кълæсты ахуыргæнджытæн уæлдай ахсджиаг у психологийы лыстæгдзинæдтæ зонын. Конкурсы фыццаг бæрæггæнтæй ахуыргæнджытæ разыйæ баззадысты. Хуымæллæджы ахуыргæнджытæ та кусынц астæуккаг æмæ хистæр кълæсты сабитимæ. Ахуыр сæ кæнынц психологи, технологи æмæ ныв кæныныл. Сæ къухы бирæ хатты бафтыд алыхуызон конкурсты фæуæлахиз уæвын. Командæйæ конкурсы фыццаг хатт архайынц. Уымæ гæсгæ сæм уæлдай цымыдисаг кæсы. Сæ куыст бæрнон дæр у, ахуыргæнджыты ныхæстæм гæсгæ. Æдæппæтæй Цæгат Ирыстонæй конкурсы архайынмæ сæ курдиат балæвæрдтой 111 командæйы. Æрдæгфиналмæ дзы рацыдысты 10-æй. Се'ппæт дæр сты нæ республикæйы алы районты скъолаты минæвæрттæ. Конкурсы финал уыдзæн Грознайы. Ахæсдзæн 13 мартъийæ 15 мартъийæ онг. Уæлахиздзаутæн фадат уыдзæн сæ профессионалон дæсныйад  фæуæлдæр кæнын Уæрæсейы раззагдæр экспертты æххуысæй. Уыимæ ма, сæ арæхстдзинадыл сæ бон бакусын уыдæнис бæстæйы хуыздæр ахуырадон уагдæтты. Плиты Хетæг _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv