23 æм февралы бæрæгбоны агъоммæ Паддзахадон автоинспекцийы кусджытæ арфæ ракодтой нæлгоймаг шофыртæ

23-æм февралы бæрæгбоны агъоммæ Паддзахадон автоинспекцийы кусджытæ арфæ ракодтой нæлгоймаг-шофыртæн. Федералон фæндæгтыл ацыд «Звездочка водителю», зæгъгæ, акци. Мадзал аразджытæ - Цæгат Ирыстоны паддзахадон автоинспекци, адæмон дружинниктæ æмæ автомобилистты æппæтуæрæсеон æхсæнад. Алагир æмæ Дзæуджыхъæуы`хсæн акци аразджытæ шофыртæн байуæрстой арфæйы сыфтæ. 100-йæ фылдæр сæрмагондæй бацæттæ кодтой бæрæгбонмæ. Акцийы архайджытæн уыд тынг æхсызгон ахæм хуызы сæ кæй æрхъуыды кодтой, уый. Уыимæ ма паддзахадон автоинспекцийы кусджытæ шофырты зæрдыл иу хатт æрлæууын кодтой фæндаггон фæткы домæнтæ. Куыд фæнысан кодтой, афтæмæй сын ахæм акци аразын уæлдай æхсызгон у. Зæрдæ дарынц шофыртæ къæрцхъусдæр кæй уыдзысты æмæ фæндаггон фыдбылызты нымæц къаддæр кæй кæндзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv