Фатимæ Гаммийæн абон Цæгат Ирыстоны загътой фæстаг фæндараст

Зындгонд журналист Фатимæ Гаммийæн абон Цæгат Ирыстоны загътой фæстаг фæндараст. Не `мзæххон йæ цардæй ахицæн 11-æм августы. Уыдис цардуарзаг. Цы дæсныйад равзæрста, уым йæхи раззагдæрæй æвдыста. Йе `рмæджытæ йын æвдыстой федералон каналтæ. Бирæ адæм æй бауарзтой. Фатимæ Гамми каст фæци Цæгат Ирыстоны Паддзахадон Университет. Уый фæстæ куыста республикæйы дзыллон информацион фæрæзты. Йæхи æнтысджынæй равдыста Уæрæсейы телекомпаниты дæр. Куыста Уæрæсейы футболистты цæдисы. Хъыгагæн, уæззау низ ын йæ тыхтæ байста. Цыдис ыл 43 азы. Нæ телекомпаниы кусджытæ иууылдæр тæфæрфæс кæнынц Фатимæ Гаммийы бинонтæн. Не `ппæт дæр ын зæгъæм «рухсаг». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv