Хъæугæ фембæлд

Сæ фæлтæрддзинад фæфылдæр кæнынæн Цæгат Ирыстонмæ ссыд Свердловскы делегаци. Се 'хсæн ахуыргæнджытæ, æхсæнадон архайджытæ æмæ скъолаты директортæ. Делегацийы уæнгты абон суазæг кодтой Беслæны. Фыццаджыдæр бабæрæг кодтой Фыццæгæм скъолайы терракты амæттæгты мемориал. Сæвæрдтой дзы дидинджытæ. Уый фæстæ сын Беслæны фыццаг гимназы сарæзтой экскурси. Радзырдтой сын 2005 азы æвирхъау цауты рæстæг, сывæллæты ирвæзын кæнгæйæ чи фæмард, уыцы хъæбатырты тыххæй. Уазджытæн равдыстой цымыдисаг концертон программæ. Уый фæстæ, тымбыл стъолыл æрныхас кодтой скъоладзауты патриотон хъомылады фарстатыл. Беслæны ахуыргæнджытæ раддзырдтой, цавæр мадзæлттæ аразынц, сабитæн Фыдыбæстæмæ уарзондзинад гуырын кæнынæн. Уымæй уæлдай ма ныхас цыд нациты 'хсæн ахастдзинæдты тыххæй. Семинары фæстæ æппæт арахайджытæн дæр радтой сертификаттæ. Уазджытæ куыд фæбæрæг кодтой, афтæмæй ахæм мадзæлттæн ис стыр ахадындзинад. Сергей Павленко, Свердловы областы æхсæнадон палатæйы уæнг: «Декабры дæр ма уыдтæн ацы скъолайы.Уæд дзы федтон кафтыты фестиваль «Цветок дружбы», зæгъгæ. Сывæллæттæн æгæрон цин хæссынц ахæм мадзæлттæ. Уый фæстæ та бабæрæг кодтон Уæрæсейы хъæбатырты номыл арæзт кълæстæ. Уым мæ зæрдæмæ тынг фæцыд. Фæстæмæ Свердловчы областмæ куы схæццæ дæн, уæд сфæнд кодтон, цæмæй нæ облæсты ахуыргæнджытæ ацæуой Цæгат Ирыстонмæ. Патриотон хъомылады сæ зонындзинæдтæ фæфылдæр кæнынмæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv