Ног хъалон

Ног азæй фæстæмæ хъæууон хæдзарады хойраг уадзджытæ фиддзысты хъалон. Ахæм ивддзинæдтæ бахастой сæрмагонд закъонмæ. Хъалон фидын райдайдзысты 2019 азы 1 январæй фæстæмæ. Уæрæсейы финансты министрады куыд хъусын кæнынц, афтæмæй уый ахаддзæн продукцийы нымæцыл. Ома йæ адæм фылдæр æлхæндзысты. Хъалонæй цы фæрæзтæ æмбырд кæной, уыдон хардз кæндзысты хæдзарæдтæ нырыккон кусæнгæрзтæй ифтонг кæныныл. Фæнысан ма кæндзыстæм иу фиппаинаг. Нысангонд нымæцæй хъæууон хæдзарады кусджытæн се `фтиæгтæ фылдæр куы нæ уой, уæд хъалон фидыны хæс уыдзæн сæхи бар. Владимир Николов: «Цæмæй хъæууон хæдзарады уыцы кусджытæ хъалон ма фидой, уый тыххæй сæ хъæуы нысангонд мæйы 20-æм бонмæ хъалонисæн инспекцимæ хъæугæ гæххæттытæ æрбахæссын. Ахæм гæнæн ис æрмæстдæр, се `фтиæгтæ хъалоны бæрцæй фылдæр кæмæн не сты, уыдонæн. 2018 азы уыцы бæрц у - 100 милуан сомы, 2019 азы та - 90 милуан сомы». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv