Рæзты фæндагыл

Цæгат Ирыстоны сæргълæууæг Битарты Вячеслав бацархайдта Сочийы инвестицион форумы фæлгæты нæ бæстæйы премьер-министр Дмитрий Медведев цы æмбырд сарæзта, уым. Фембæлды ныхас цыд социалон къабазы рæзтæн цы национ проекттæ арæзт цæуынц, уыдоныл. Дмитрий Медведев куыд фæбæрæг кодта, афтæмæй ныртæккæ национ проектты нысаниуæгты бæрæггæнæнтæ сты бæлвырд. Проектты паспорттæ дæр сты цæттæ. Финансон фæрæзтæ дæр сын ис. Премьер-министры ныхæстæм гæсгæ, Уæрæсейы æппæт субъекттæ дæр бафыстой субсидитæ радтыны бадзырдтæ федералон центримæ. Цæгат Ирыстон дæр ис се 'хсæн. Битарты Вячеслав куыд фæбæрæг кодта, афтæмæй санитарон авиацийы фарстайы фæдыл нæ республикæ бафыста бадзырд Уæрæсейы æнæниздзинад хъахъхъыны министрадимæ. Уый руаджы фæхуыздæр уыдзæн медикон-санитарон фыццаг æххуысы системæ. Уымæй уæлдай ма бафыстой зæрдæйы, дадзинты æмæ æвзæр низ дзæбæхгæнæн мадзæлттæ фæхуыздæр кæныны тыххæй бадзырдтæ. Уæлдай цæстдард здæхт цæудзæн сывæллæтты æнæниздзинад хъахъхъæныны республикон программæмæмæ. Ома, сывæллæттæн медицинон æххуыс дæттыны нырыккон инфраструктурæ саразыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv