Æхсызгон хабар

«Большой шлем»-ы ерысты дзюдойæ Тасойты Инал ссис уæлахиздзау. Ерыстæ цыдысты Абу-Дабийы. Финалы фембæлд олимпаг чемпион Лукаш Кырпалекимæ. Йæ ныхмæлæууæгыл 5 уысммæ фæуæлахиз. Ацы турниры уæлахиз æй фæхæстæгдæр кодта Токиойы олимпаг хъæзтыты бацархайынмæ. Ахæм фадат ма уыдзæн 16 хуыздæр спортсменæн. Инал ныридæгæн ахсы 11-æм бынат уыцы номхыгъды. 5-æм ноябры араст уыдзæн Адлермæ. Уым йæхи цæттæ кæндзæн ног ерыстæм. Нырма бæлвырдæй бæрæг нæма у, кæм цæудзысты, уый. Сæйраг тренер, Бекуызарты Алик куыд зæгъы, афтæмæй ирыстойнаг 4 спортсменæн ис хорз фадат Олимпаг хъæзтыты сæ арæхстдзинад равдисынæн. Йæ зæрдæ дары, сæ нымæц кæй фæфылдæр уыдзæн, ууыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv