Фæрниаты Тамерлан инспекциимæ рацыд горæтмæ

Дзæуджыхъæуы администрацийы сæргълæууæджы хæстæ рæстæгмæ æххæстгæнæг Фæрниаты Тамерлан инспекциимæ рацыд горæтмæ. Йемæ ма уыдысты Дзæуджыхъæуы префектурæты æмæ администрацийы управленийы хайæдты разамонджытæ. Се ’хсæн Дзæуджыхъæуы сæйраг архитектор Хъараты Аслан æмæ Дзæуджыхъæуы цæрæнуæтты-коммуналон хæдзарады сæрдар Хуасдзауты Мæирбег. Фыццаджыдæр, бæрнон кусджытæ федтой Магкæты Зурабы номыл уынджы ног арæзт фæндаджы хæрзхъæддзинад. Цалцæггонд æрцыд бæрнон æнæххæстбарджын æхсæнад «Доржилстрой»-ы æххуысæй. Хæстæгдæр рæстæгмæ «Доржилстрой»-ы фæрцы ма базилдзысты Дзæуджыхъæуы бирæфатерон хæдзæртты кæртытæм. 18 микрорайоны цы куыстытæ цæуынц, уыдонмæ дæр сæрмагонд цæстæнгасæй кæсынц . Ам сæвæрдзысты быронæн контейнертæ. Уый фæрцы санитарон уавæр æмæ йæ фадæттæ фæхуыздæр уыдзысты. Инспекцийы кæронбæттæн бæрнон кусджытæ бабæрæг кодтой Уæлахизы Парчы цалцæггæнæн куыстытæ. Ам куыстытæ фæуыдзысты ноябры кæрон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv