Иу уæлахиз ма

Дунейы чемпион Сидахъаты Зауырбег схæццæ ис йæ фыдыуæзæгмæ. Ирон богал рамбылдта дунеон ерыстæ Будапешты. Кæронбæттæн фембæлды хъæбысæй хæцыди гуырдзиаг спортсмен Автандил Кенчадзеимæ æмæ йыл фæуæлахиз. Чемпионат Зауырбегæн се `нцонтæй нæ рауад. Хæцын æй бахъуыд дунейыл хъуыстгонд спортсментимæ, сæ иу Джордан Борроуз. Дунейы чемпион не `мзæххон ссис фыццаг хатт, архайгæ дæр ахæм ерысты фыццаг хатт кодта. Уæвгæ та Уæрæсейы командæ иумæйаг хыгъдмæ гæсгæ бацахста фыццаг бынат 4 сызгъæрин майданимæ. А-изæр Сидахъаты Зауырбегыл аэропорты фембæлынмæ æрцыдысты республикæйы цæрджытæ. Дунеон чемпионмæ æнхъæлмæ кастысты зард æмæ кафтимæ. Йемæ иу хæдтæхæджы Мæскуыйæ æртахт республикæйы сæргълæууæг Битарты Вячеслав дæр. Уый дæр ын арфæ ракодта. Уæдæ йæ æнæрхъуыдыйæ нæ ныууагъта Уæрæсейы Президент Владимир Путин дæр. Сæйраг тренер Тедеты Дзамболаты ныхæстæм гæсгæ, Уæрæсейы спотсменты цæттæдзинадæй разыйæ баззад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv