Аланийы аргъуыды 1100 азы бæрæгбонмæ ма, ирон æвзагыл рауадздзысты Библи

Аланийы аргъуыды 1100 азы бæрæгбонмæ ма, ирон æвзагыл рауаддзысты Библи. Дзæуджыхъæуккаг æмæ Алайнаг Алчыр Леонид Библийы рауагъдады фæдыл æрдзырдта Уæрæсейы Библион Æхсæнады минæвæрттимæ. Фембæлд сарæзтой Даниловы номыл Моладзандоны, Мæскуыйы. Æмбырды куыд сбæрæг, афтæмæй чырыстон адæмы сæйраг чиныг тæлмацгонд фæуыдзæн ацы аз июны кæронмæ. Тексттимæ ныртæккæ куыд кусынц, уый архиепископ федта хи цæстæй. Æмбырдгонды уыдзæн Ног æмæ Зæронд Фæдзæхсты тæлмац, у Уæрæсейы Библион Æхсæнад æмæ Тæлмацы Институты иумæйаг проект. Æртæ азæй фылдæр ыл кусынц лингвисттæ æмæ Хуыцауы ныхас адæмы рæгъмæ чи хæссы уыдон.  Библийы тексттæ 20 азæй фылдæр ирон æвзагмæ тæлмац кæнынц Цæгат Ирыстоны ахуыргæндтæ дæр. Уыцы фарстайыл æмгуыст кæнынц Мæскуыйаг специалисттимæ.  Се `хсæн Мамыкъаты Хъазыбег, Нæкуысаты Иринæ, Мамсыраты Мурат æмæ иннæтæ. Библийы тæлмацыл алы азты куыстой Баййаты Гаппо, Колыты Аксо æмæ æндæр зынгонд адæм. Аланийы аргъуыды 1100 азы бон бæрæг кæндзысты 2022 азы. Уый кадæн нæ республикæйы дины кусджытæ развæлгъау бæрæгбоны мадзæлттыл кусынц. Бирæ уазджытæ æрцæудзæн Ирыстонмæ канд Уæрæсейæ нæ, фæлæ дунейы алы рæттæй дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv