Куыст ис, кусæг нæй

Дзæуджыхъæуы завод «Радугæ» уадзы æфсæддон техникæ. Фидар фæлæууыд нæуæдзæм азты æмæ ма ныр дæр æнтыстджынæй архайы. Куыст сын бирæ, фæлæ бæллæх уый мидæг ис, æмæ кусæг нæй. Нæ фаг кæнынц. Чи дзы ис, уыдоны сæ фидæнмæ ныфсджынæй кæсын фæнды. Фæлæ ног тыхты кадавардзинадæй уыцы фидæн цавæр уыдзæн, уый зын зæгъæн у. Завод бабæрæг кодтой нæ уацхæсджытæ дæр. Куыддæр ахуыр фæдæ, афтæ кусынмæ. Завод «Радугæ»-мæ. Теттырмазты Таймураз дæр афтæ бакодта. Ныр кусы цалдæр азы. Куыд зæгъы, афтæмæй æппындæр фæсмон нæ кæны. Рагацау æй сахуыр кодтой дæсныйады сусæгдзинæдтыл. Кæй фæцалх ис æмæ ныр æнтысджынæй кæй архайы, уый тыххæй йын аргъ кæнынц. Æрыгон кусæг кæй у, уый тыххæй дæр. Куыстуат «Радугæ» фæзынд 42 азы размæ. Хауы æфсæддон заводтæм. Фыццаг арæзтой радиоапараттæ. Мæймæ-иу баисты 20 минæй фылдæр. Уый фæстæ райдыдтой антеннæтæ, тæрхæджытæ, хæрдмæисæнтæ æмæ блоктæ. Æлхæнджытæ бирæ уыд, куыст та йæ тæмæны. Мин адæймагæй фылдæр фæллой кодтой ам. Фæлæ 90-æм азты заводы цехты уынæр æрмынæг. Цæмæй куыстуат бынтон йæ уд ма сиса, уый тыххæй дзы рахызтызты медицинон техникæ аразынмæ дæр. Афтæмæй куыстуат фæлæууыд зындзинæдты ныхмæ. 2013 азы райстой лицензи хицæн гæрзтæ аразынæн нæ, фæлæ æнæхъæн æфсæддон кусæнгæрзтæ уадзынæн. Ныртæккæ дзы кусы 250 адæймаджы. Аразынц радиоапараттæ æмæ техникæ. Куыстуаты директор Тауаситы Эльбрусы ныхæстæм гæсæгæ, цы продукци уадзынц, уый ам ничи æлхæны. Цæуынц суанг Мæскуымæ. Эльбрус Тавасиев, генеральный директор АО «Радуга»: «Ныртæккæ нæм æлхæнджытæ бирæ ис. Афтæмæй ма нæ бон у 100 кусæджы райсын. Фæлæ, хъыгагæн, специалисттæ фаг нæй. Афтæ вæййы æмæ уый тыххæй заказ нæ райсæм, цæмæй æвзæр ма рауайа. Хъæуы нæ слесыртæ, электриктæ æмæ æндæр куыст кæнын чи зоны, ахæм адæм. Ныртæккæ та ног кусджыты ахуыр кæнæм». Дæсныйад æвдисæн ахуыртæ æрмæст куыстуаты нæ аразынц, адæмы `рвитынц Мæскуымæ дæр. Ныртæккæ дзы чи кусы, уыдон ам фæллой кæнынц 40 азы бæрц. 3 азы размæ завод сифтонг кодтой, нырыккон домæнтæн дзуапп чи дæтты, ахæм кусæнгæрзтæй. Уый хорзырдæм фæзынд куыстыл. Стæй бакуыстой техникон райрæзты программæйыл дæр. Фидæны бирæ пълæнттæ ис. Кусын кæй фæнды, уыдонæн сæ дуæрттæ алкæддæр гом сты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv