Ивгъуыды гæстæ

Цæгат Ирыстоны Паддзахадон университеты абон сарæзтой форум, Уæрæсейы архивон службæйыл сæдæ азы кæй сæххæст, уый фæдыл. Архайдтой дзы сæдæ адæймагæй фылдæр. Се `хсæн нæ республикæйы архивон службæйы сæрдар Тебиаты Еленæ, Хуссар Ирыстоны архивон управленийы разамонæг Тадтаты Хетæг æмæ Цæцæны республикæйы минæвар Шовхал Айдамиров. Кадджын мадзалмæ æрхуыдтой Уæрæсейы æфсæддон-историкон архивы директор, культурæйы сгуыхт кусæг Ирина Гаркушайы дæр. Ныхас кодтой Уæрæсейы æмæ регионты æмгуыстадыл, цавæр нысаниуæг ис рагон документтæн æмæ къухæй фыстыты æвæрæнтæн ныртæккæ, ууыл. Рох сæ нæ баззадысты зындзинæдтæ дæр. Минæвæрттæ сæ куыстæн скодтой хатдзæгтæ. Уымæй уæлдай ма, схорзæхджын кодтой архивы хуыздæр фæллойгæнджыты. Балæвар сын кодтой кады гæххæттытæ æмæ майдантæ. Форумы фыццаг хатт равдыстой цыбыр киноныв «Хранители Истории», зæгъгæ. Æвдыст дзы цæуы Цæгат Ирыстоны архивон службæйы райрæзт. Æмбырды архайджыты ныхæстæм гæсгæ абон сын уæлдай аргъ кæнын хъæуы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv