Цæгат Ирыстоны фæзынд арæзтадон къордтæ

Бирæтæ ма хъуыды кæндзысты Советон Цæдисы цы арæзтадон къордтæ уыдис, уыдон. Цæгат Ирыстоны арæзтад æмæ архитектурæйы министрад бавдæлд æмæ сын сæ куыст сног кодта. Къордты архайынц арæзтадон техникум æмæ Цæгат Кавказы хæххон металлургон институты студенттæ. Ныртæккæ сæ арæхстдзинад æвдисынц ног скъола аразгæйæ. Сæ куыстæн сын хатдзæг скодта не`сфæлдыстадон къорд. Арæзтадон объекты куыстытæ сæ тæмæны бацыдысты. Ам æрмæст аразджытæ нæ фыдæбон кæнынц. Сæ арæхтдзинад ма дзы æвдисынц фидæны ацы дæсныйады чи фыдæбон кæндзæн, уыцы студенттæ дæр. Кæд сæ куыст æнцон нæу, уæддæр сæ зæрдæмæ цæуы. Объекты сæ арæхстдзинад æвдисынц арæзтадон техникум æмæ Цæгат Кавказы Хæххон-металлургон институты студенттæ. Ныр 2 къуырийы дæргъы архайынц бæстыхайы бындур ныфидар кæныныл. Студенттæ куыд арæхсынц уымæ сæ хъус дарынц прорабтæ. Уыдон æпынæдзух цæттæ сты фæсивæдæн баххуыс кæнын мæ. Прорабтæ куыд зæгъынц афтæмæй лæппутæ сты сæрæн, зивæг æппындæр нæ кæнынц. Ахæм къордтæ ма кусынц планетарийы æмæ Джыккайы-фырты номыл уынджы фæндаджы уаддзаджы. Къорды фыдæбон кæны 10 адæймаджы. Уымæй уæлдай ма 50 студенты араст сты Норильскмæ. Уым фæсивæд промышленон куыстуæтты бæстыхайты сæртæ ногæй ивынц. Уый руаджы кад фæлтæрдзинад нæ исынц, фæлæ ма сын фадат ис æхца бакусынмæ дæр. Ацы студенттæн куысты бынæттæ ратта «Гарантпромбизнес», зæгъгæ, куыстуат. Фидæны ма гæнæн ис æмæ хъæууон хæдзарады къабазы дæр фæзындзæн къордтæ. Уым студенттæ æххуыс кæндзысты зæххкусджытæн тыллæг æмбырд кæнынмæ. Хъараты Маринæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv