Нæ та бантыст

Беслæны маисон комбинат барæй фæкъуыввитт кæныны хъуыддаджы фæдыл тæрхондоны æмбырд ногæй аргъæвтой. Уый тыххæй курдиат бахаста, заводæн конкурсон разамынд чи дæтты, уый минæвар Григорий Юн. Йæ ныхæстæм гæсгæ хъуыддаджы фæзынд ног æвдисæйнаг аххосæгтæ. Хъæудзæн сæ сбæлвырд кæнын. Уæ зæрдыл уын æрлæууын кæндзыстæм, комбинат сæхгæдтой 2011-æм азы. Æртæ азы фæстæ та йæ, чи фæкъуыввитт, ахæм куыстуатыл банымадтой. Завод йæ фæллойгæнджытæй фæхæсджын куысты мыздæй. 300 адæймагæй фылдæрæн се `хца райсын сæ бон нæу. Алы кусæгæй дæр дарынц 200 мин сомæй милуан æмæ `рдæджы онг. Кæд Арбитражон тæрхондоны, куыстуат барæй кæй фæкъуыввитт кодтой, уый рабæрæг уа, уæд байгом кæндзысты уголовон хъуыддаг. Арæзт уыдзæн, Беслæны маисон комбинат ахæм уавæрмæ чи `ртардта, уыцы организациты ныхмæ. Ахæм мадзæлтты фæрцы, гæнæн ис, æмæ БМК-йы кусджытæн сæ хæстæ бафиддзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv