Æвзонг футболистты уæлахиз

Сочийы Андрей Канчельскисы номыл турниры архайдта не `взонг футболистты командæ «Барс». Ерыстæ цыдысты 27-æм мартъийæ 1-æм апрелмæ. Æдæппæттæй дзы нæ респубдикæйæ сæ архæстдзинад равдыстой 35 сывæллоны. Фыццаг хъазт акодтой «Зорька»-имæ Красногвардейскæй æмæ сыл фæуæлахиз сты 2:1 хыгъдимæ. Дыккаг хъазты сæмбæлдысты Долгопрудныйы къордимæ. Хъазт ахицæн хæрæгсастæй. Турниры кæрон фыццаг бынат бацахстой 2006-æм азы, дыккаг та - 2007-æм азы гуырд футболисттæ. Кокойты Давид ма фесгуыхт номинаци «Хуыздæр размæ бырсæг», зæгъгæ, уым, Гуыбиты Тимур та ссис «Хуыздæр хъазæджы» ном рамбулæг. Сывæллæтты ныййарджытæ фæбузныг сты тренертæй æмæ сын кæнынц арфæ, сæ цоты фыццаг къахдзæфтыл æвæллайгæйæ кæй кусынц, уый тыххæй. Ныр нæ лæппутæ хъуамæ архайой, Гуырдзыстоны цы Æппæтдунеон турнир цæудзæн, уым. Хъуамæ Ирыстоны кад агас зæххы къорийыл дæр апарахат кæной. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv