Кæронбæттæны хатдзæгтæ

Абон Мæскуыйы байгом парти «Иугонд Уæрæсе»-ы 18 съезд. Нæ бæстæйы æппæт регионтæй дзы архайы 4 минмæ `ввахс минæвары. Се `хсæн – цæгатирыстойнæгтæ дæр. Нæ республикæйæ фембæлдмæ ацыдысты партийы регионалон хайады секретарь Ортабайты Тимур, муниципалон сконд «горæт Дзæуджыхъæу»-ы сæргълæууæг Хадарцаты Махарбег, Дзæуджыхъæуы администрацийы сæргълæууæг Æлбегаты Барис. Уымæй уæлдай ма архайджыты `хсæн сты нæ республикæйæ æвзæрст минæвæрттæ. Мадзалы раныхас кæндзæн парти «Иугонд Уæрæсейы» сæрдар Дмитрий Медведев. Æмбырды ма архайдзæн партийы уæнг Битарты Вячеслав дæр. Уый уыдзæн райсом. Абон нырма партийы съезды фыццаг бон у. Архайджытæн сарæзтой дискуссион фæзтæ. Уым партийы регионалон минæвæрттæ азы кæронбæттæны хатдзæгтæ скæндзысты. Партийы уæнгтæ æрдзурдзысты сæ куысты хæрзхъæддзинад фæхуыздæр кæныныл. Уымæй уæлдай ма сæ хъус æрдардзысты «Иугонд Уæрæсейы» æвзарджытимæ иумæйаг куыстмæ. Ацы аз уæлдай æргом аздахдзысты нымæцон технологитæ политикон хъуыддæгты апарахат кæнынмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv