Студенты «Уалдзæг»

Стъараполы кадджын уавæры байгом Студентты 26-æм æппæтуæрæсеон фестиваль. Йæ аразджыты ныхæстæм гæсгæ, у æппæты стырдæр. Архайынц дзы 3 мин бархионы æмæ 5 мин уазæджы. Мадзалы фыццаг бон фæсивæды фарсмæ æрбалæууыдысты Уæрæсейы президенты администрацийы разамонæджы хæдивæг Магомедсалам Магомедов, Стъараполы губернатор Владимир Владимиров, УФ-йы Фæсивæды цæдисы сæрдар Павел Красноруцкий, Цæгат Кавказы регионты сæргълæуджытæ æмæ Паддзахадон думæйы депутаттæ. Архайдта дзы нæ республикæйы сæргълæууæг Битарты Вячеслав дæр. Фембæлд Цæгат Ирыстоны командæимæ æмæ сын загъта ныстуаны ныхæстæ. Куыд бафиппайдта, афтæмæй йæ уырны республикæйы фæсивæд сæхи иттæг хорз кæй равдисдзысты æмæ сæ къухы æнтыстдзинæдтæ кæй бафтдзæн, уый. Дзуапп радта æрыгæтты фарстатæн дæр. Уыдонмæ та цымыдисаг каст фæсивæды рæзтæн нæ республикæйы цавæр фадæттæ ис, уый. Форум Машук-ы раздæры азты архайджытæ та Битарты Вячеславæй ракуырдтой, цæмæй сын баххуыс кæна квотæтæ фæфылдæр кæнынæн. Республикæйы сæргълæууæг сын зæрдæ бавæрдта, фæрстытæм лæмбынæг йæ хъуыс кæй æрдардзæн, уымæй. Уæрæсейы Студентон уалдзæг цæудзæн 20 маймæ. Ерыс дзы кæнынц 80 регионы студенттæ . Концертон программæйæ уæлдай ма сын бацæттæ кодтой бирæ ирхæфсæн мадзæлттæ, хъæзтытæ æмæ концерттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv