Цæгат Ирыстоны скъолаты сбæрæг кодтой зонындзинæдты бон

Цæгат Ирыстоны скъолаты сбæрæг кодтой зонындзинæдты бон. Республикæйы фыццаг дзæнгæрæг фыццаг хатт ахастой 1-æм сентябрьæй 4-æм мæ. Ахæм уынаффæ регионалон парламент рахаста Беслæны теракты 15 азы агъоммæ. Абон республикæйы ахуыргæнæндæтты уыд кадджын линейкæтæ. Дзæуджыхъæуы 44-æм скъолайы та рауад æцæг бæрæгбон. Зарджытимæ, кæфтытимæ æмæ дидинджытимæ. Фыццаг къласонтæн арфæйы ныхæстæ ракодта зынгонд боксер Гасситы Мурат. Гасситы Мурат: «Æрмæст фыццаг къласонтæн нæ, фæлæ мæ сеппæт скъоладзаутæн дæр фæнды арфæ ракæнын. Уæ къухы стыр æнтыстдзинæдтæ бафтæнт. Фыццаджыдæр æнæниз ут. Хистæртæм хъусут. Уæ размæ нысæндтæ æвæрут. Уæд алцыдæр уæ къухы бафтдзæн». Цуциты Татьянæ, 44-æм скъолаый директор: «Фыццагкъласонты æмбырд кодтам февралæй нырмæ. Скъла ног ахуыры азмæ бацæттæ кодтам. Хъæугæ кусæнгæрзтæй ифтонггонд у. Уый нæ къухы бафтыд иумæйагæй ахуыргæнджытæ æмæ ныййарджытимæ. Уæдæ нæм хистæркъласонтæ дæр фæкастысты». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv