Дзæуджыхъæуы аэропорт кусын райдыдта æнæкъуылымпыйæ

Цалдæр хæдтæхæджы фæткмæ гæсгæ абон æрбадтысты Беслæны. Уæ зæрдыл уын æрлæууын кæндзыстæм, уымæй размæ дзы тынг мигъ кæй бадтис, уый тыххæй хæдтæхджытæн аэропорты æрбадыны фадат нал уыди. Æртæ боны фæд-фæдыл уæлдæфон транспорт бæлццæтты ласта Магасмæ, Грознамæ æмæ Минводтæм. Хæдтæхджытæ иннæ регионтæм кæй тахтысты, уый тыххæй-иу уынаффæ рахастой экипажты командиртæ. Кæд æмæ-иу ирыстойнаг аэровокзалы кусджытæ стæхæн-æрбадæн фæзыл сæрмагонд цырæгътæ ссыгътой, уæддæр-иу мигъы аххосæй сæ рухс нæ зынди. Аэропорт «Дзæуджыхъæу»-ы сæйраг директоры ассистент Хуымарты Маринæ: «Æхсæвыгон ссудзæм рухсгæнæг кусæнгæрзтæ, фæлæ уыдон хæдтæхджытæ æрбадын кæнынæн фаг рухс нæ лæвæрдтой. Бæлццæтты æдасдзинадыл хъуыдыгæнгæйæ хæдтæхджыты командиртæ рахастой уынаффæ æндæр аэропорты æрбадыны тыххæй». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv