Дзæуджыхъæуы схорзæхджын кодтой «Президенты ерысты» уæлахиздзауты

Æнæниздзинад æмæ ног æнтыстдзинæдтæм фæндаг. Дзæуджыхъæуы схорзæхджын кодтой «Президенты ерысты» уæлахиздзауты . Архайдтой дзы 1000 ахуырдзауæй фылдæр. Чемпионат райдыдта февралы æмæ цыд майы онг. Ерысты программæйы фæсивæд сæхи фæлвæрдтой баскетболæй, съолы теннисæй, рог атлетикæйæ, шашкæтæй, сæххæст кодтой фæллоймæ æмæ хъахъхæнынадмæ цæттæдзинады нормæтæ дæр. Сбæрæг ма кодтой кæртыты командæты `хсæн турнир «Сæрак пуртийы» хуыздæрты. Уæлахиздзауты суазæг кодтой Дзæуджыхъæуы администрацийы. Фыццаг бынат райста 40-æм скъолайы футболон командæ. Июны æрыгон футболисттæ сæ тыхтæ бавзардзысты республикон турниры. Уым чи фæуæлахиз уа, уыцы командæйæн уыдзæн «Сæрак пурти»-йы æппæтуæрæсеон къæпхæны архайыны бар. «Президенты ерысты» аразджытæ сты Цæгат Ирыстоны фæсивæдон политикæйы комитет, стæй физкультурæ æмæ спорты министрад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv