Дыккаг æппæтадæмон медиафорум «PRO Кавказ» цæуы Дзæуджыхъæуы. Мадзалы сæйраг хай - пленарон æмбырд. Бацархайдзæн дзы республикæйы сæргълæууæг Сергей Меняйло. Æмбырды ныхас кæндзысты ахæм темæйыл: «Информационная среда в условиях противостояния: факты против фейков». Спикерты æхсæн уыдзысты паддзахадон думæйы депутат, телеуынынадон журналист, амонæг Евгений Попов, агентад «Минск-Новости»-йы генералон директор, Белоруссийы журналистты цæдисы правленийы сæрдар Андрей Кривошеев, Кавказы институты директор Александр Искандарян, информацион агентад ТАСС-ы пресс-центры разамонæг Николай Яковлев, газет «Коммерсантъ»-ы сæйраг редакторы хæдивæг Иван Сухов. Мадзалы амонæг уыдзæн тележурналист, фыццæгæм каналы программæты автор Александр Смол. Медиафорум «PRO Кавказ»-ы пленарон æмбырд комкоммæ эфиры фенæн уыдзæн нæ телеканалыл 15 сахатыл. Интернетæй пайдагæнджытæн дæр æй сæ бон фенæн уыдзæн уыцы рæстæг республикæйы официалон портал, национ телеуынынад «Осетия-Ирыстон» æмæ паддзахадон телерадиокомапни «Алани»-йы сайтты, стæй ма йæм байхъусæн уыдзæн радио «FM Алания»-йы эфиры дæр.