«Вода России» æппæтуæрæсеон акцийы Цæгат Ирыстон регионты `хсæн бацахста дыккаг бынат

«Вода России», зæгъгæ, æппæтуæрæсеон акцийы Цæгат Ирыстон регионты `хсæн бацахста дыккаг бынат. Экологон акцийæн Уæрæсейы æрдзон æвæрæнты министрад хатдзæгтæ скодта бархионты бон. Ацы аз мадзал фыццаг хатт ацыд эко-марафоны хуызы. Райдыдта мартъийы Дæллаг Новгороды. Кæронбæттæн та йын скодтой октябры Хъырымы. Экологон эстафетæ аххæсыд 85 регионыл. 1 милуан бархионы фыдæбоны руаджы быронæй ссыгъдæг кодтой 24 мин километры цæугæдæтты былгæрæттæ. Уыимæ ма мадзæлтты 20% бырон æрцыд хуызтæм гæсгæ æвзæрст. Æртæ æнтыстджындæр æмæ хуыздæр архайæгыл банымадтой Мæхъæлы, Цæгат Ирыстоны æмæ Якутийы. Æмткæй райсгæйæ, Уæрæсейы æрдз хъахъхъæныны министрад сарæзта 10 эко-марафоны: «Чистые берега Волги», «Чистые берега Кавказа», «Чистый Дон» æмæ æндæртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv