Хатдзæгтæ скодтой

Цæгат Ирыстоны ресурсон центры бархионты куыстæн хатдзæгтæ скодтой. Дзырдтой ивгъуыд аз сæ къухы цы æнтыстдзинæдтæ бафтыд уыдоны тыххæй. Афтæмæй, фарон Таймæзты Артуры хъæппæрисæй сарæзтой Цæгат Кавказы бархионты фыццаг ресурсон центр. Уымæй уæлдай ма Паддзахадон депутаты курдиатмæ гæсгæ нæ республикæйы сæргълæууæджы раз фæзынд бархионты фарстаты фæдыл цæдис. Иу афæдзмæ ресурсон центрæн бантыст бирæ. Зæгъæм, сарæзтой 2 мин мадзалæй фылдæр. "Росмолодеж"-ы гранттæ рамбулыны æркæстыты бацæттæ кодтой 17 проекты. Уыдонæй 15- æн радих кодтой æхцайы фæрæзтæ. Афтæмæй нæ республикæ райста цыппар милуансомæй фылдæр. Ацы аз февралы фæзынд фæсивæды проектон офисы проект. Таймæзты Артур бузныджы ныхæстæ загъта фæсивæдæн сæ фидæн рæсугъд цæмæй уа,ууыл кæй архайынц уый тыххæй.Схорзæхджын сæ кодта арфæйы фыстæджытæй. Уымæй уæлдай ма бархионтимæ æмгуыстад кæй кæнæм, уый тыххæй бузныг загъта нæ телекомпанийæн дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv