Исты дзы куы рауаид

Нæ республикæйы сæргълæууæг Битарты Вячеслав Мæскуыйы архайдта Цæгат-Кавказы Федералон зылды райрæзты фарстаты фæдыл æмбырды. Разамынд ын лæвæрдта президенты администрацийы разамонæджы фыццаг хæдивæг Сергей Кириенко. Æмбырды дзырдтой Цæгат Ирыстоны туристон-рекреацион комплекс «Мамысон"-ы райрæзтыл. Социалон-экономикон фæрныгад æмæ туризм нæ республикæйы сæйраг къæпхæнтæ сты. Æрвылазон курорт «Мамысон»-ы руаджы куысты бынæттæ фæзындзæн 3 мин адæймагæй фылдæрæн. Нæ республикæйы, æмбал кæмæн нæй, ахæм туристон-рекреацион фæзуат саразыны курдиат арвыстой Уæрæсейы экономикæйы райрæзты министрадмæ. Битарты Вячеслав куыд фæнысан кодта афтæмæй бæстонæй бакуыстой зæххыты ахастдзинæдты фарстатыл, инженерон райрæзты бæрæггæнæнтыл, транспортон æмæ æндæр социалон инфраструктурæйыл. Уæ зæрдыл уын æй æрлæууын кæндзыстæм, ацы фарстайыл нæ республикæйы сæргълæууæг 2017-æм азы ныхас кодта Владимир Путин æмæ Дмитрий Медведевимæ. Фембæлды хатдзæгтæм гæсгæ, Уæрæсейы Хицауад æмæ федералон оргæнты æххæстгæнæн хицæуттæн лæвæрд æрцыдысты æмбæлгæ хæслæвæрдтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv