Æнæмæнг хъæугæ хостæ фæсарæнтæй самал кæнынæн курдиат бадæттæн уыдзæн паддзахадон лæггæдты порталы

Уæрæсейы хицауад сбæлвырд кодта медицинон гæрзтæ уæззау рынчынтæн фæсарæнтæй ласыны фæтк. 2022-æм азы 1-ӕм мартъийæ хæрзаудæн фондтæ æмæ медицинон организацитæн фадат уыдзæн æнæмæнг хъæугæ хостæ фæсарæнтæй самал кæнынæн курдиат бадæттæн уыдзæн паддзахадон лæггæдты порталы. Сæрмагонд уагæвæрд уый тыххæй бафыста премьер Михаил Мишустин. Ныхас цæуы, Уæрæсейы регистрацигонд чи не 'рцыд æмæ ам аналогтæ цы медицинон препараттæн нæй, уыдоныл. Раздæр сæ ласæн уыд хицæн фæткмæ гæсгæ, иу сæрмагонд регламент сын нæ уыд. 1-æм мартъийæ Росздравнадзор дæттын райдайдзæн бардæттæг гæххæттытæ. Ахӕм хуызы ног фадӕттӕ фенцондӕр ӕмӕ фӕрӕвдздӕр кӕндзысты, уӕззау низӕй рынчынтӕн цы медицинон продукци хъӕуы, уыдон ӕрбаласыны хъуыддаг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv