Милдзыхты Юрийы кадæн ерыстæ панкратионæй

Беслæны абон 5-æм хатт байгом сты Милдзыхты Юрийы кадæн ерыстæ панкратионæй. Архайынц дзы алы кары спорстментæ куыд нæхи респубикæйæ, афтæ сыхæгтæй дæр. Сæ арæхстдзинад æвдисдзысты дыууæ боны. Абон уал сæ тыхтæ бафæлвæрдтой 8 азæй 17 азы онг кæуыл цæуы, ахæм лæппутæ. Уанеты Сосланыл 10 азы цæуы. Æмхæццæ хъæбысхæстмæ цæуы 2 азы. Уыцы рæстæгмæ йæ къухы бирæ æнтыстдзинæдтæ бафтыд. Цалдæр хатты сси республикæйы уæлахиздзау куыд панкратион, афтæ грепплинг æмæ MMA-йы хуызты. Абоны ерысты дæр йæ арæхстдзинад равдисыныл архайы. Гом ерысты сæ тыхтæ фæлварынц 225 спортсмены. Сты куыд нæхи республикæйы спортивон клубты минæвæрттæ, афтæ Цæцæны спортсментæ дæр. Сæ дæсныдзинад æвдисынц гауызыл æмæ октагоны. Сæ арæхстдзинадæн сын аргъ кæнынц жюрийы бæрнон уæнгтæ. Куыд фæбæрæг кодтой, афтæмæй, кæд панкратионæй нæ республикæйы 5 азы йеддæмæ нæ архайынц, уæддæр бирæ æнтыстдзинæдтæ равдыстой. Ацы аз ерыстæ цæуынц 5-æм хатт. Саразынц сæ номдзыд спортсмен Милдзыхты Юрийы кадæн. Уæрæсейы чемпион, Африкæйы гом чемпионаты уæлахиздзау, Юрийы ном æрымысыдысты ерысты аразджытæ. Ахæм мадзæлтты рæстæг фæсивæд спортмæ æмхицдæр кæнынц. Ацы ерыстæ дæр кæй фæпайда уыдзысты, ууыл дызæрдыг нæ кæнынц. Турнир цæудзæн 2 боны. Абон уал сæ тыхтæ бавзæрстой 8 азæй 17 азы онг лæппутæ. Хуыздæрты дзы схорзæхджын кодтой кубоктæ æмæ майдантæй. Райсом та сæ арæхстдзинад равдисдзысты 18 азæй хистæр чи у, ахæм лæппутæ. Тыхджындæртæн балæвар кæндзысты ерысты уæлахиздзауы рон. Хуасдзауты Алинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv