Бæркадджын аз

Нæмыгонтæ æмæ хъæдурхуызтæй ацы аз сæмбырд кодтой 764 мин тоннæйы. Ахæм хорз бæрæггæнæнтæ республикæйы никуыма уыд. Фарон 130 тонны къаддæр систой фæллой. Уый тыххæй журналисттæн фехъусын кодта хъæууон хæдзарады министр Уазиты Хъазыбег. Куыд зæгъы, афтæмæй алы къабазы хадзæгты дæр ис ивддзинæдтæ. Зæгъæм, халсартæн байтауынмæ ацы аз зæхх радих кодтой дыууæ хатты фылдæр. Сæ кондад фаронимæ абаргæйæ фæфылдæр 300%. Хорз рæзы дыргъы куыст дæр. Уазиты Хъазыбег куыд фæнысан кодта афтæмæй стурвосы нымæц дæр сырæзт. Уыимæ мæ æхсыр æмæ дзидзайæ конд продукцийы дæр фылдæр кæны. Ацы аз æххуыс райстой фермеры куыст æрæджы чи райдыдта, уыдон. Гыццыл хъæууон хæдзарадон куыстуæттæн радих кодтой 119 милуан сомы. Уый фаронимæ абаргæйæ дыууæ хатты фылдæр у. Министр ма ранымадта, бакусын цы фарстатыл хъæуы, уыдон дæр. Зæгъæм, республикæйы халсарты, хæдзарон мæргъты æмæ кæсаджы куыст хъæуы парахат кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv