Белоруссиимæ æмгуыстад

Уæрæсе æмæ Белоруссийы журналистты форум «Друзья. Сябры»-йы уæнгтимæ Дзæуджыхъæуы уыд тымбыл стъол. Арæзт уыд дыккаг хатт. Йæ сæйраг нысан у алы бæстæты журналисттимæ æмæ сæ кæрæдзийы фæлтæрдзинадимæ зонгæ кæнын. Белоруссаг делегацийы ис 14 адæймаджы. Ирыстоны уыдзысты æртæ боны. Зонгæ кæндзысты нæ республикæйы культурон хæзнатимæ. Конференцийы уазджыты базонгæ кодтой бынæттон дзыллон информацион фæрæзтимæ. Сæ минæвæрттимæ æрныхас кодтой æмгуыстадыл. Минæварады уæнг Елена Еловикы ныхæстæм гæсгæ, Цæгат Ирыстоны сæ фидæны куыстытæн бирæ æрмæг ссарынц. Зæгъæм, Дзæуджыхъæу æмæ Белоруссаг бастдзинæдты тыххæй. Ныридæгæн «Друзья. Сябры» Уæрæсейы цалдæр регионы бабæрæг кодтой. Кæм уыдысты, уыдонæй Цæгат Ирыстон æртыккаг у. Форумы архайджытæ куыд загътой, афтæмæй сæ `ппæтæй тынгдæр фæндыд нæ республикæмæ ссæуын. Ацы балцмæ зæрдиагæй æнхъæлмæ кастысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv